(477)                           SOUS LE RÈGNE DE CHARLES VI.                              237
seurs, vierges, et à tous sains et à toutes sainctes, et à toute la benoite court de Paradis.
Après, ycelle dame eslut sa sepulture et voult son corps exanime estre mis en sepulture ecclesiastique, c'est assavoir, en l'eglise parro­chiale de Ferrieres en Brye, devant l'ymage Nostre Dame.
Item, elle voult et ordena toutes ses debtes estre payées, et ses tor-faiz estre amendez et reparez par ses executeurs cy dessoubz nom­mez.
Item, icelle testaterresse donna et laissa à la fabrique de l'eglise par­rochiale de Saint Jehan en Greve àParis la somme de cinquante livres Tournois pour une fois.
Item, au curé de la dicte eglise six livres Tournois.
Item, aux deux chapellains d'icelle eglise huit livres Tournois.
Item, aux clers de la dicte parroisse quarante solz Tournois.
Item, au luminaire de Nostre Dame en la dicte eglise vint solz Tour­nois.
Item, ycelle testaterresse donna et laissa aux quatre principaulx or­dres Mendians à Paris, pour dire vigiles et messe solennel en leurs eglises pour icelle testaterresse, c'est assavoir, à chascune d'icelles quatre ordres quatre escus d'or, valent quatre livres dix solz Tournois, qui font pour tout xvm livres Tournois.
Item, aux religieux des Bians Manteaulx, pour vigiles et messe semblablement en leur dicte eglise, quatre livres dix solz Tournois.
Item, aux religieux de Saincte Croix, pour semblable cause, quatre livres dix solz Tournois.
Item, semblablement aux religieux des Billetes quatre livres dix solz Tournois.
Item, la dicte testateresse voult et ordena que les vigiles et messes de ses obseques et son luminaire, tant à Paris comme à Ferrieres, soient fais tout ainsi et par tele maniere qu'il plaira à ses dis executeurs.
Item, elle voult et ordena que le jour de son trespassement ou le landemain soient dictes et célébrées pour le salut et remede d'icelle tes­tateresse cent messes de Requiem.